Egluferð

Við fórum í ferð 9. nóvember. Við fórum í rútu til Borgarness en tilgangur ferðarinnar var að skoða staði sem tengjast ævi Egils Skallagrímssonar og að fara í Reykholt og sjá hvar Snorri Sturluson bjó.

Við byrjuðum á að fara á sýninguna sem var í Landnámssetrinu. Það voru tveir og tveir saman og ég var með Steinunni. Við fengum heyrnatól og svo löbbuðum við inná sýninguna. Í heyrnatólinu var kona sem sagði okkur hvert við áttum að fara og svo byrjaði hún að segja okkur frá ævi Egils. Á einum stað var glergólf og ofaní því voru tvær beinagrindur. Á sumum stöðum var sýningin dálítið krípí. Svo fórum við að sjá hvar Brák fóstra Egils hoppaði í sjóinn þegar að hún var að flýja undan Skalla-Grími. Næst fórum við og skoðuðum haug þar sem Skalla-Grímur var heygður. Eftir það fórum við í Reykholt og þar tók séra Geir Waage tók á móti okkur og sagði okkur frá ævi Snorra Sturlusonar. Næst sýndi hann okkur kirkjuna og Snorralaug. Svo fórum við aftur í skólann. Það sem mér fannst áhugaverðast var sýningin af því að það voru svo flottir hlutir þar. Mér fannst gaman að fara í þessa ferð og hún hjálpaði mér að skilja betur hvað gerðist.